Ka Captain Williamson Sangma State University kan sdang treikam shwa tang 4 tylli ki tnat pule hapoh Shillong campus. Kine ki tnat pule ki kynthup English, Commerce, Khasi bad Social Work. Ia kane la pyntip da u Myntri ka tnat pule puthi u Rakkam Sangma bad ula iathuh ba ka jingshim Admission hapoh ka Captain Williamson Sangma State University Tura kala sdang shaid shaid.
Haba kren shaki lad pathai khubor u Rakkam ula iathuh ba mynta shipor (Temporary) ka Captain Williamson Sangma State University Shillong Campus kan treikam na Shillong Engineering College Mawlai.U Rakkam ula iathuh ba haduh mynta ka Sorkar ka dang wad ki lad lynti ban ioh jaka naka bynta ban tei iaka Captain Williamson Sangma State University Shillong Campus ba pura (Permanent Campus).
“Ka Captain Williamson Sangma State University kala sdang treikam bad kila don bun ki samla pule kiba la shim Admission” ula ong.U Rakkam ula iathuh ruh ba ki la don bun tylli ki College kiba la pyniasoh (Affiliate) bad ka University.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station