Ka jingialap ilekshon sha ki 2 tylli ki Autonomous District Council kata ka Khasi Hills Autonomous District Council (KHADC) bad ka Jaintia Hills Autonomous District Council (JHADC) ka la kut mynta ka sngi Balang ha ka por 4 baje janmiet. Naduh ka por 4 baje janmiet ka 19 tarik Rymphang haduh ka sngi thep Vote ha ka 21 tarik Rymphang kan ym don shuh ka jingialap ilekshon paidbah.
Shwa ka jingthep vote 48 kynta la ju tip kum ka ‘silence period’ (ka por ban sangeh lut ki jingialap) ban khang ia ki riew sain pyrthei, ki paidbah bad kiwei kiwei ban ialap ilekshon. Kane ka long ban ai lad ia ki nongthep vote ba kin ioh pynjah thait na ki jingktah ka jingialap ilekshon bad pynleit jingmut bad puson bha ban shim rai ha sngi thep vote.
Kumjuh ruh, ha kane ka por la khang ia baroh ki nongkitkam sain pyrthei ba kin pyndonkam ia ki kali Sorkar, ki kali don light saw bad siren. La mana tyngeh ruh ban pyndonkam ia ki tynghung pynsawa.
You may also like
-
Buh thong ka Sorkar ban wanrah Film City ha Meghalaya
-
Pynlong ka CBC ia ka jingialang iamir jingmut halor ka jingkhuid bad ki jingbam tei met
-
Dang bishar ia ka jingdawa thung kynhun tohkit halor ka jingiakynad ha Garo: Conrad
-
Ka jingkhang ia ki Haat khappud ka ktah ia ka kamai ki paidbah ha khappud India-Bangla
-
Iathir ki heh shipai Assam Rifles ban pynkhlain bad pyntbit ia ki shipai