Ka jingiakhun ha KHADC, NPP, VPP, UDP, Congress bad HSPDP

Ka por ban iakwang nia hapdeng ki kyrtong bapher bapher kiba iakhun ia ka ilekshon MDC sha ka KHADC bad ka JHADC ka la kut bad kaba sah mynta ka long ia ki paidbah nongthep vote ban rai.Ki seng sain pyrthei kiba kham paw ha ka jingiakawang nia hapdeng ki kyrtong bapher bapher ki dei ka National People Party (NPP) kaba bat ia u lakam ka synshar khadar ha Jylla, ka Indian National Congress (INC), ka Voice of the People Party (VPP), ka United Democratic Party (UDP) bad ka Hills State People Democratic Party (HSPDP) nalor ka KHNAM.Ha ka jingtwad jingtip u nonglum khubor, na ki rynsan ialap ilekshon ha kylleng ki konstiwensi ka KHADC, ka jingiakhun kaba sawa bha hapdeng ka NPP, UDP, Congress, VPP bad ka HSPDP ha kiba bun ki konstitwensi.

Ka East Khasi Hills ka don haduh 17 tylli ki constituency bad 11 ngut kiba dang dei ki MDC ki iakhun biang sa shisien ia kane ka ilekshon ba kynthup ia ki Chief Executive Member (CEM) u Bah Pyniaid Sing Syiem uban iakhun na ka NPP Nongthymmai bad Bah Titosstarwell Chyne na ka UDP na Sohra bad bah Pynshngain N Syiem na ka Congress na Mawkhar-Pynthorumkhrah konstiwensi. Ka jingiakawang nia ka jur bha hapdeng ka VPP, NPP, Congress, UDP bad kumjuh ka HSPDP.

Ka party VPP kaba don 4 ngut ki MLA ka dei ka sien ba nyngkong ba kan iakhun ia ka elekshon MDC ha kane ka kynti hadien ba ka la mih ha u 2021.Ki 9,96,518 ngut ki paid nongthep vote kin iathep ia ka vote jong ki ha ka 21 tarik u Rymphang ban jied ia ki 29 ngut ki MDC napdeng ki 158 ngut ki kyrtong ba kynthup ia 12 ngut ki kynthei ha kane ka ilekshon. Ka jingniew ia ki vote kan long ha ka 24 tarik u Rymphang.