Ka MP barim ka Tura Parliamentary Seat ka Agatha K Sangma hynne ka sngi ka la kyntait ia ki khubor hamsaia ba ka lah ban dei ka kyrtong na ka bynta ka MP Rajya Sabha ka Meghalaya.
Ka la ong haduh mynta kam pat don kano kano ka jingiakren hapoh ka National People’s Party (NPP) halor ka jinglong kyrtong jong ka na ka bynta ka MP Rajya Sabha.
Ka la ban jur ia ka jingkular ba kan kyrshan ia ka rai jong ka party, kat kaba ka long.
“Ia mynta, ngim pat ju iakren halor ka shuki MP Rajya Sabha. Ki dei tang ki jingiamut dur. Kumta, ngam lah ban kynthoh eiei halor kane. Kaei kaba nga lah ban ong ka long ba katba rai ka party, ngan ai ka jingkyrshan ba pura ia uta ne kata ka kyrtong” ong ka Agatha haba iakren bad ki nongthoh khubor ha ka sngi Balang.
Haba kylli la kan pdiang ia ka jingjied ia ka kum ka kyrtong, ka Agatha kala ong “Kumba nga ong, ia mynta ngim pat iakren satia ia kane ka kam. Lehse ha ki sngi ban wan lada don ka jingiakren ngan sa lah ban pyntip sha phi. Ngam nan gong ia mynta namar kumba nga ong, ka dei ka rai jong ka party ym jong nga bad ngan kyrshan beit ia ka party”.
You may also like
-
Shi taïew ai por ka KSU ïa ka tnat Urban Affairs, pynap da ka jingïakhih ba tyngeh
-
Meghalaya CEO Ym Don Ban Pynduh Kyrteng Nongthep Vote Khlem Ka Jingjurip; 6.51 Lakh Ki Kyrteng Kiba Shah Khot Kyrteng Ha Ka SIR
-
Palat 20 hajar ioh jinghikai ki samla halor ka ‘Cybercrime & Cyber Safety’ ia ki jingma na ki kam thok Online
-
Nang heh ka Iew Nongrep, phuh mat ki nongdie ma rep
-
Iaid Pilgrim ki riewngeit Hindu na Shillong sha krem Mawjymbuin