Ki pulit ka Jhalupara Outpost ha ryngkat ki pulit SOT hynne ka sngi ki la khanglad ia ki dkhot ka All Khasi Meghalaya Tourist Taxi Association (AKMTTA) ban bat ia ki kali Tourist napoh ka Jylla Assam ban iaid sha ki thain Sohra bad Upper Shillong. Kane ka wan hadien ba ki Association ka Jylla Assam ki la bat ia ki kali kamai jong ka Meghalaya ha Jorabad bad Khanapara kum ka jingjubab ia ka AKMTTA kaba la sdang naduh 16 tarik Nailur ban khanglad ia ki kali Assam ban leit shaki jaka jngohkai pyrthei kiba don hapoh ka Jylla.
Lah ban kdew ba naduh dang step jong ka 18 tarik Nailur da ki spah tylli ki kali Meghalaya kynthup ka kali u Myntri Sorkar barim ki la shah bat bad phah pynphai na Jorabad bad Khanapara Ri-bhoi District daka Association ka Jylla Assam. Ban pynthikna ba kan nym mih kano kano ka juri hura, ki pulit ka Jhalupara Outpost ha ryngkat ki pulit SOT bad Magistrate ki la poi ha Umshyrpi ban khanglad ia ki dkhot ka AKMTTA ban bat iaki kali Assam.
Ha kane ka sngi la sakhi ba ka la mih ka jingiania hapdeng ki pulit bad ki nongniah kali kamai tourist kiba dei ka dkhot ka AKMTTA.”Lada mih ka jingiaum snam phin bah khlieh ma phi” buh jingkylli u Pulit ia ki Nongialam ka AKMTTA.
You may also like
-
Da ka wait mait lynti jingsuk ai u Dolloi ha u MR ka Assam
-
Ïakynduh u Conrad ïa u Reddy ban ai ïa ka bor ha ka jylla halor ka tih dewiong
-
Yn mihkhmat ka Aishwariya ia ka jylla ha ka jingiakob Miss Teen Diva
-
La pynpoi iaki Deiñkhlam hakhmat ka Blei Iew ha Iawmusiang ka Khnong Blai pat ha Loomsooiung
-
Kyrmen skhem u Bah Hek bna thaw sorkar ka BJP ha u 2028