Ka Prof. (Dr) Ananya Das na ka tnad Obstetrics bad Gynaecology, NEIGRIHMS, Shillong NEIGRIHMS, ka la ioh ia ka khusnam jong ka Dr. Jagadishwari Mishra Oration halor ka kam puid bad ai dawai kum u syniang ban sumar ia ki kynthei ha ka jingialang jong ka All India Medical Conference IMA NATCON 2025 ha Ahmedabad, Gujarat ha ka 27-28 tarik Nohprah, 2025.
Ka Prof. Ananya ka la ai jingkren halor ka phang, “Ka Jingpynpaw ia ka jingeh bad ka jingdonkam ban pynneh ia ka kpoh” kaba la pynpaw ka jingsngewnguh bad pdiang sngewbha ia ki paidbah.
U Director ka NEIGRHMS, u Prof. Nalin Mehta u la ai khublei ïa ka Dr. Ananya halor kane ka jingjop bad ula iaroh ia ka jingtrei shitom jong ka ban ioh ia ka jingithuh ha ka liang ka jingsumar khun bad ki kynthei.
U Prof. Mehta ula bynrap shuh shuh ba kum kine ki khusnam ki pynpaw ïa ka kyrdan jong ka NEIGRIHMS ha ka liang ka jingpule bad ka jingsumar ha kylleng ka thain.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam