Ha ophis u Syiem leit theh ka HYC ïa ka jaboh na Ïew Rambrai, mih ka jingïania bajur (lead)

Ka Hynniewtrep Youths’ Council HYC Rambrai Circle hapoh ka jingialam u President Bah Drowel Lyngdoh Mawdoh, General Secretary Samla Kwahsisjune Nongphud ryngkat ki para Nongialam bad Dkhot ka HYC Rambrai Circle da ka jingsynran u Samla Lumlang Kharsyiemlieh, President ka HYC West Khasi Hills District, hynne ka sngi 3/01/2026 ki la hiar sha iew Rambrai ban lum thup bad ban kit ia u ñiut ba la ieh sah la bun bun snem ha katei ka iew hapoh ka jingpeit u Syiem ka Hima Rambrai.
Ka jingsatah ka jaboh bad jingsma iwtung, ka la ktah jingshngain̈ ha ka koit ka khiah jong ki paidbah bad ia ka rong ka rup jong ka iew Rambrai hi baroh kawei.
La ong ba ka HYC Rambrai Circle lem bad kiwei ki nongialam na kiwei ki seng ki a ioh ia ki jingujor la man ki por ia ka jing don jong u ne u ñiut ha ka tei ka jaka, hynrei imat u Syiem um patiaw iatei ka jingeh ki paidbah
U President jong ka Circle u la ong ruh ba ka Seng ka la leit ban ia kynduh ia u Syiem Rambrai ban dawa ban kit noh mardor ia u niut bad katei ka jaboh kaba la i sait met shisha ban peit bad ka Seng ka la buh por ruh ia ka Office jong u Syiem ba un pyn khuid noh kloi kloi, hynrei na ka liang jong u Syiem u la shu sngap mynthi, kumta ka seng kam banse ban shimkhia hi dalade ban leit bret noh shisyndon ha phyllaw ka Office jong u khnang ba u Syiem ka Hima rambrai un sngewthuh ia ka jing jynjar kaba ki paidbah ki mad la baroh shikata.
U President u la bynrap ruh ba ka jing don jong u ne u niut kam iahap bad ka long ka man ka koit ka khiah ha kane ka juk kaba mynta.
Ka seng Lyngba u President ka kren shai ba kane ka dei tang ka dak jong ka jingsdang, hynrei lada u Syiem u dang sngap mynthi kam banse ban shim sa da kiwei pat ki sienjam ki ba kham tyngeh.
Naka Liang u Bah Drowel Lyngdoh Mawdoh President ka HYC Rambrai u ong ka daw baroh ba la pynlong ia ka seng ban leit theh iz u niut ha pjyllaw ophis syiem, ka dei namar ka jingmynthi jong u Syiem bad u la kren shai ba lada u Syiem u iai mynthi , ka seng sa pyrkhat ban shim syndon da ki sienjam ba tyngeh, hynrei lada u Syiem un pynkhuid noh ia u ñiut ha Iew Rambrai,ka HYC Rambrai Circle ka long bala kloi ban wan pynkhuid noh ia u ñiut bala theh ha office u Syiem.
Hakatei ka sngi la wan u Syiem ka Hima U Paiem O Syiemsad bad ka la mih ruh ka jingiania baju hapdeng jong u Syiem bad ki nongialam ka HYC.
Haba pynkut iakane, u Samla Lumlang Kharsyiemlieh President HYC West Khasi Hills District u la ong ba ka District kala shaniah iakane ka mat haka Rambrai Circle bad ngi wan hangne tang ban iadonlang bad ban iasynranglang ia ki dkhot ka Rambrai ban leh ia katei ka kam kaba la ktah shisha ia ka koit ka khiah ki Paitbah ka thain bad u kyrmen ba u Syiem un sngewthuh ia katei ka jingeh ba ki paitbah ki la mad baroh shikatta na ka jingsma iwtung katei ka jaboh.