Ka seng Hynniewtrep Youth Council (HYC) hynne ka sngi ka la pynrem jur ia ka jingpynsaphriang ia ka jingpynbna ba la pynthohbria ia ki kynthei Khasi lyngba kawei ka ‘”Nolo App”.
Katkum ka kyrwoh na u President ka HYC u Bah Roy Kupar Synrem ula ong, ba kum katei ka jait jingpynbna ha ka App kam dei satia tang kaba ktah mationg ia ki kynthei hynrei ka pynhiar dor bad ka dei ruh ka jingthombor ia ka longrynnieng, ka jinglong tynrai bad ia ka kolshor jong ki paid Khasi.
Ka HYC ka la kyntu ia ki bor jong ka aiñ ban shim kam ia kane ka mat khlem da pynslem ia kiba donkti bad pynngat ha ki kyndon kiba tyngeh jong ka aiñ.
U Bah Roy Kupar Synrem ula pyntip ruh ba ka seng ka la pyntip ia u SP jong ka East Khasi Hills District bad ia u DIG, Eastern Range shaphang kane ka mat bad ka kyrpad ban shimkhia mardor bad ka seng ka khmih lynti ba ki bor ba dei khmih, kin leh noh mardor bad ban pynthikna ba kiba donkti ki dei ban shah pynshitom mardor.
Ka HYC ka la pynpaw ka rukom pynbna ka Nolo App da kumtei ia ki kynthei Khasi ka pyni ia ka rukom pyrkhat kaba buh jingma, ia kaba ym lah ban pdiang satia.
You may also like
-
Da ki kor Digital yn lum jingkhein Khanasamari 2027, palat 8 hajar ki nongshim jingkhein
-
Shen yn iakren u Conrad bad u MR ka Assam ban sdang iakren pynbeit pud
-
Ka High-Speed Corridor ka jingkyrkhu ia ka Meghalaya khamtam ka Ri-lum Jaintia
-
Shimti u Raymond Kharjana kum u President, u Reuben kum u GS ka KSU
-
Kular u Myntri ka kit ka bah ban pyntreikam ia ka OTS ban map bai kot kali