Ka Kynhun Myntri Sorkar hynne ka sngi ka la mynjur ban rah ia ka kaiphod jong ka Expert Committee halor ka bhah thungkam lane ka State Reservation Policy ha ka Dorbar Mang Tyngka ka ban sdang naduh 16 tarik haduh 27 tarik Rymphang. Ia kane la pynbna da u Myntri Rangbah ka Jylla u Conrad K Sangma hadien ka Cabinet Retreat ha Mawkasiang, Shillong.
Haba kren sha ki lad pathai khubor u Conrad ula iathuh ha ka jingialang ka Kynhun Myntri ka la iakren sani halor ka kaiphod jong ka Expert Committee halor ka bhah thungkam lane ka State Reservation Policy. U Conrad u la iathuh ka Kynhun Myntri ka la rai ban phah ka jingtyrwa sha u Lat ka Jylla ban mynjur ban pynlong noh ia ka Dorbar Mang Tyngka naduh 16 tarik haduh 27 tarik Rymphang 2026. “Hadien ba ngi ioh ka jingmynjur na u Lat ka Jylla bad hadien ba u Lat u la hukum ban pynlong noh ia ka Dorbar, ngin sa rah ia ka kaiphod jong ka Expert Committee halor ka bhah thungkam lane ka State Reservation Policy ha ka Dorbar Mang Tyngka ban iakren sani bha, ha shuwa ban pyllait paidbah ia ka kaiphod” la ong u Conrad.
Lah ban kdew ba ka Voice of the People’s Party (VPP) ka la byrngem ban iakhih lada ka Sorkar Jylla kam pyllait paidbah ia ka kaiphod jong ka Expert Committee halor ka State Reservation Policy.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone