Ïoh umdih jaboh ki nong Dymmiew, bun hap thied um

Ki nongshong shnong ka Dymmiew, Shillong, kaba marjan bad ka Mawprem ha kine ki khyndiat sngi, ki la mad ia ka jingeh na ka jingioh da ka umbam umdih kaba jaboh bha bad bun na kine ki longiing kila hap ban shu thied ia ka umbam umdih. U Rangbah Shnong Bah M Marbaniang ula iathuh ba katei ka um kaba ki ioh pdiang ha iing ka dei kaba jngut bad kaba sma ha kaba kim shim la nud satia ban pyndonkamia kane ka um bad kane kala pynkyndit namar kila don bun tylli ki longiing kiba ioh pdiang da ka um jaboh.

Ula iathuh, ba ha ka shnong ki don lai tylli ki top um, kumta mynta ki hap ban wad ia ka tynrai kumno katei ka um jaboh ka poi sha ki iing briew. U Rangbah Shnong ula ong, ba ula dep ban pyntip ia kane ka jingjia sha ki bor jong ka Municipal bad kila wan bad lap ba ka um kaba mih na ka kor sorkari ka long kaba khuid watla kaba dei kajuh ka top kaba poi pat sha ka iing jong ki. “Ngi lah dap da ka jing-lyngoh kaba khraw kumno ka um kaba poi ha iing ka long kaba jngut bad kaba sma bad ngi la kyntu ia ki bor kiba dei khmih ba kin iarap lem iangi ban ioh da ka um kaba khuid kaba suba khnang ba kan ym don ka jingshah ktah ka koit ka khiah jong ki nongshong shnong” la ong u Bah Marbaniang bad ka kyntu ia ki bor kiba dei khmih ban shimkhia mardor ia kane ka jingeh khamtam ba ka um ka long kaba kongsan tam ha ka jingim briew kaba man la ka sngi.

U Rangbah Shnong ula iathuh ruh ba ki la phah ‘Test’ ia katei ka um ha ka State Food Testing Laboratory, Commis-sionerate of Food Safety Pasteur Hills, Shillong.