Ka Director General of Police (DGP) ka Kong Idashisha Nongrang hynne ka sngi kala pyntip ba ki pulit kila ioh ban kurup 62 Metric Ton u dewiong na East Jaintia Hills.
Haba iakren bad ki nongthoh khubor, ka DGP kala iathuh ba hynin ka sngi, ki pulit kila pynlong ia ka jingkhynra bad kila ioh kurup 62 metric ton u dewiong na East Jaintia Hills bad kala ong, ba kila don 5 tylli ki kynhun ryngkat bad ki Magistrate, ki ophisar ka tnad Mining bad Transport kiba leit ban pynlong man la ka sngi ia ka jingkhynra.
Ka DGP kala kubur ruh, ia ka jingduna ha ka jingdon jong ki pulit bad kala ong ba ha ka taiew ban wan, yn sa pynrung kam thymmai ia ki 2800 ngut hynrei kine ki samla kin hap ban leit pyndep shwa ia ka jinghikai pyntbit kaban shim por kumba 9‑10 bnai eiei.
Haba kylli shaphang ka jingjia jong ka jingbthei hapoh ka par dewiong, ka DGP kala ong ba kam kwah ban kren eiei mynta ia kane namar ba kane ka kam ka long ‘Subjudice’ ne ka don hapoh ka jingtian bishar ka iingkashari.
Kala iathuh ba ka iingskashari kan shong tian bishar ia katei ka kam ha ka 5 tarik u Lber.
You may also like
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone
-
U Tirot Sing ula shimti ia ka khet Syiem Hima Nongkhlaw naduh dang 10 snem
-
Pyntian smai u Sadon Blah ia ki nongkitkam ka HYNF Northern Region, u Robinson kum u President bathymmai
-
Pynpra ki longkmie ki jingker bad tala ba khang lynti ki briew na Assam ha Maikhuli