Shwa ba ka mang tyngka ka JHADC kaba duna 15 klur tam naka bynta u snem 2026-2027 kan ioh ia ka jingmynjur hapoh ka ïingdorbar haka sngi ba khatduh ka dorbar mang tyngka mynta ka sngi thohdieng, arngut ki MDC liang pyrshah ba kynthup ia u Awhai Andrew Shullai bad kong Deiwipaya Tongper kila wanrah daka cut motion halor ka jingbymhun bad jingbymshai ka jingheh ka mang pisa ne grant shaki tnat treikam bapher ka council ba kynthup haka tnat forest kaba la kot 8,00,000, haka tnat political kaba kot 5,56,70,600, haka Arts & Culture kaba la kot 2,41,97,700 bad haka tnat Statistics & Information kaba kot 1,67,01,800.
Lyngba kane ka cut motions kine ki MDC kila pan jingpynshai iaka daw ba hap pynheh iaka mang pisa bad kylli ruh iaki kam ba kine ki tnat kila leh.Katba halor ka cut motion jong ka tnat Statistics & Information kaba dei jong u Andrew Shullai u khlem iaid shuh shakhmat namar kiei ba u mut kylli u ong ba ula ioh jingshai lut na u EM haka kynta iatai iaka motion ba wanrah u MDC Rikut Pareiñ.Ki EM ba kynthup ia u H.Nongtdu, Thombor Shiwat bad Lasky Rymbai haba pynshai kila iathuh iaki kam bala leh kine ki tnat nalor ba ki batai shai ruh iaki daw ba pynheh iaka mang pisa dei da ka jingthmu ban pynbha shuh shuh iaki rukom treikam.
Hadien ba ki MDC liang pyrshah kila weng noh iaka cut motion daka jinghun iaka jingpynshai jong ki EM, baroh ki jingmang tyngka shaki tnat treikam bapher la mynjur lut.Kumta iaka mang pisa ka JHADC naka bynta u snem 2026-2027 kaba duna Rs. 15,62,38,500 na kaba khmih lynti ban iohlum Rs. 293,64,42,000 bad kaba la dep iatai ruh haka sngi ba ar jong ka dorbar la mynjur da ka ïingdorbar ka Council mynta ka sngi.
You may also like
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma
-
Khuslai ki paidbah ka thain Byrnihat ba duna tyndong lyer, kyntu ia ka sorkar ban pynbiang
-
Kem ding kynsan ka trok kit soh ha Shangbangla
-
Dawa ka Congress ba dei ban mait kyrteng ia 4 ngut ki MLA kiba kyntiap seng
-
Aiti ka JHADC sha ka Selection Committee ban peit bniah