Ka tnad kam rep ka jylla ryngkat ka jingkyrshan ka Meghalaya Farmers’ (Empowerment) Commission ka la pynlong ia ka Iew jong ki nongrep ha ka 21 tarik u Lber, 2026 ha ka jaka pynieng kali jong ka ophis Directorate Fishery mar pyrshah ka St. Edmund’s Kolej Shillong.
Kane ka jingthmu ka long ban rakhe bad ki nongrep ryngkat ki mar rep bathymmai bad ban ai lad ïa ki nongrep ban die ïa ki mar rep sha ki nongthied ïa ki mar bathymmai. Namar katto katne ki jaka dei ba sah briew, hynrei la khmih lynti kane ka iew kan khring ia ki nongwan jngohkai bad ki nongthied.
Ha kane ka iew ki nongrep na ki bapher bapher ka jylla kynthup ka West Khasi Hills, East Jaiñtia Hills, West Jaiñtia Hills, South West Khasi Hills, Ri Bhoi bad East Khasi Hills ki la ïashim bynta ha kane ka ïew ban pyninam bad die ia ki mar rep ba bun jait.
Ha kane ka iew la ioh bun ki mar rep kynthup ki jhur bathymmai, dohkha, ki sohmrit, pylleng, ka wain ba la shna hi bad kiwei kiwei ki mar rep, kaba la khring ia ki nongthied na kylleng ka sor bad ki jaka ba marjan.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah