U Symbud Myntri Rangbah ka Jylla ba khmih ia ka tnat kam Pohiing (Police) U Bah Prestone Tynsong ula ong ba ka kynhun tohkit kam pat lap satia ia kano kano ka jingdon jingiadei ka kam sain pyrthei ha ka jingkulmar ha ri-lum Garo, haba pyntip ba ka Sorkar ka la pynkhlain ia ka jingpahara namar ka jingrakhe Eid ha ka thain.
“Ka jingtohkit ka dang iaid shakhmat. Ia mynta, ngam pat lah ong eiei. Ngin dang ban lap ia ka jingshisha. Ai ba ka jingtohkit kan iaid” ong u Bah Prestone haba iakren bad ki nongthoh khubor ha ka sngi Thohdieng haba jubab ia ka jingkylli la ka jingkulmar ha ri-lum Garo ka dei kaba kynshoit sain pyrthei.
Kane ka jingkynthoh u Bah Prestone ka la mih hapdeng ka jingkyan ka jingiakynad ha ri-lum Garo, ha kaba ki kynhun sengbhalang ki la byrngem ban iakhih lada ka Sorkar kam pynlait noh ia ki nongialam ba shah kem.
U Symbud Myntri Rangbah ula pyntip ba la bthah ia ki bor district bad ki Pulit ba kin peitngor bha namar ka jingle niam Eid.
“Ngi la bthah ia ki bor district, bad kumjuh ruh ia ki Pulit ba kin trei shitom halor kane ka kam bad ban pynthikna ba ka jingrakhe ia ka Eid kan iaid beit iaid ryntih” ula ong.
You may also like
-
Ka jingiakynad ha Garo Hills ka mih namar bym lah ban pynbeit ia ka jingdawa ban khanglad ia ki bar jylla ban iashim bynta ha ka ilekshon GHADC
-
Ka Iew ki Nongrep kan khring ia ki nongthied bad ki nongshang pyrthei
-
Kiba tih khyndew ki dei ban don ka jaka bret, mana ka DC ban bret khyndew pathar
-
Iakynduh u Bah John ia u Myntri sorkar pdeng ban kyntiew ia ki kam ialehkai ha
-
Byrngem khang ka KSU ia ki ophis, skul lada pynbor ban rwai ‘Vande Mataram’