Ka screen academy ka la pyllait ia ka thup kyrteng jong ki phlim ba la shah jied ban pyni ha ka lympung jong ka Chetak Screen Academy ceremony kaban sa long

Ka Screen Academy jong ka Indian Express Group ka la pynmih ïa ki thup kyrteng ba pura jong ki nongshah jied na ki 31 tylli ki kyrdan na ka bynta ka jingpynkup burom ha ka Chetak Screen Awards kaban sa long ha ka 5 tarik Ïaïong, kaba rakhe ia ki phlim Hindi ba ha khmat tam bad ki OTT naduh u snem 2025.  Ka Dhurandar ba la direk da u Aditya Dhar ka la shah jied 24 sien, katba ka Saiyaara ba la direk da u Mohit Suri ka la shah jied 17 sien, bad ka Homebound ba la direk da u Neeraj Ghaywan ka la shah jied 15 sien. Kine ki jing shah jied ki kynthup ïa ki jingpyni ïa ki phlim bad kiwei kiwei ki OTT, kaba pyni ïa ka jingjylliew bad ka jingkylla jong ka rukom ïathuh khana jong ka ri India ha kane ka juk ba mynta. 

Kaba la seng ha u snem 1995, ïa ka Screen Awards la pynshong nongrim ha ka jinglong ba janai bad la synshar ïa ka da ka Screen Academy, ka kynhun ka bym dei na ka bynta ban ioh jingmyntoi, kaba don ïa palat 50 ngut ki nongshna phlim kiba la pawnam bha, ki nongrwai bad ki sur jong ka kolshor kiba la ïoh nam. Ban nang kham pynskhem ïa kane ka rukom jied, ka Professor Priya Jaikumar, ka shongknor jong ka Cinema bad Media Studies ha ka University of Southern California’s School of Cinematic Arts, ka la pynmih ïa ka kyndon na ka bynta ki dkhot jong ka Academy.

Ha ka sien ba nyngkong ha ki 20 snem hadien ba la sdang ïa kane ka lympung ai khusnam, yn pyni paidbah ïa ka jingai khusnam. Da ka jingïatreilang ba kyrpang bad ka YouTube, ka Screen Awards kan ai ïa ka lad sha ki paidbah nongpeitkai ha kylleng ka pyrthei ka ba ïahap bad ka rukom pynïaid jong ka Indian Express Group kaba buh ha khmat ïa ki kor digital ne ka digital-first. Yn pyni ruh ïa ka ha ka Sony Entertainment Television bad Sony Liv.