Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC

U nongialam ka liang pyrshah u Dr. Mukul Sangma ula kynnoh ba ka jinglum jingialang u MLA barim ka Phulbari u Estamur Mominin, ka long tang ban pynshit ia ki paidbah ban isih ia u kum u nongialam.Haba kren sha ki lad pathai khubor, u Dr. Mukul ula ther ia u Mominin uba la shim ia ka kyrteng jong ki nongialam paidbah ka rilum Garo bad kumjuh ia ka kyrteng jong u, ba ki la shah ia u (Mominin) ban thep kyrteng ban iakhun ia ka MDC ilekshon sha Garo Hills Autonomous District Council (GHADC).

Halor kane, u Dr. Mukul ula ong ba u la dep ban ujor ejahar pyrshah ia u Mominin ba ka ain ka dei ban pynshitom ia u halor ka jingkam kaba khlem nongrim jong u khamtam ban pynmih ia ka kyrteng jong u ha ka jingialang.Lah ban kdew ba u Mominin ula lum ia ka jingialang hadien ba u la shah shoh ha ka por ba u thmu ban leit thep kyrteng ban iakhun ia ka MDC ilekshon ha Tura dang shen. Hadien kane, ha ka por janmiet ula lum ia ka jingialang ha kaba ula pynpaw paidbah ba ki nongialam na Garo Hills kynthup u Dr. Mukul bad kiwei ki shah ia u ban thep kyrteng ban iakhun MDC.

U Dr. Mukul ula ong kumno u Mominin u lum ia ka jingialang bad mano ba la shah ia u ba un lum ia ka jingialang.“Ka jingialang paidbah jong u Mominin kadei tang ka jingthmu ban pynshit ia ki paidbah Garo ban isih ia nga kum u nongialam paidbah,” la kynnoh u Dr. Mukul.