U MLA ka BJP na South Shillong u Bah Sanbor Shullai hynne ka sngi ula ong baroh 60 ngut ki MLA ki ioh T.20 lak ka Discretionary Grant na bynta ban iarap ia ki paidbah ha ki konstitwensi. Haba kren hynne ka sngi, u bah Sanbor ula ong mynshwa ha u snem 2018 ki ioh tang T.3 lak bad hadien kane ki pynkiew sha ka T.5 lak bad sa sha ka T.10 lak. Hynrei kane ka dang duna bad ym pat lah ban pyndap ia ka jingduna u paidbah.
“Ha ki snem mynshwa nga long kum u Symbud Lamphang ka iing dorbar bad nga la iakren ia u Lamphang ka iing Dorbar thawain u Thomas Sangma ka jylla bad ia u Myntri Rangbah ka jylla ban pynkiew ia ka DG na ka T.10 sha ka T.20 lak,” ong u bah Sanbor.
Ula ong ba dei naduh mynshem snem ha u bnai Nailur ,2024 baroh ki 60 ngut ki MLA ki la ioh ia ka T.20 lak. Ula ong ba lyngba kane ka pisa jingiarap la lah ban noh synniang sha ki paidbah kiba donkam jingiarap. U bah Sanbor u la ong ba ka sorkar ka ai T.20 lak hynrei ma u pat u pyllut T.27 lak na bynta ki paidbah.”Ka jingpyllut jong nga ka long T.27 lak ha kaba T.7 lak kadei na ka tulop jong nga,” ula ong.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station