Ka Sorkar Jylla hynne ka sngi ka la bthah ia u Chief Secretary (CS) ka Jylla ban pule bad khmih bniah ia ka kaiphod ba la ai da ka Expert Committee halor ka jingpynkylla thymmai ia ka State Reservation Policy lane ka bhah thungkam. Ïa kane la pyntip da u Nongaiktien ka Sorkar Jylla u Bah Paul Lyngdoh bad ula ïathuh na ka liang ka Expert Committee ka la dep ai kaiphod sha ka Sorkar Meghalaya.
Lah ban kdew ka Expert Committee ba la khlieh da u Justice (Retired) Mool Chand Garg, ka dei kaba la thung da ka Sorkar Jylla ha ka 12 tarik Nailur 2023, ban bishar biang ia ka Reservation Policy ka Jylla hadien ka jingdawa ban pynkylla noh na kiba bun balang. “Hadien ba la ioh pdiang ia ka kaiphod ka Expert Committee ka dei ka rukom ba ka Sorkar kan shong bishar. Namar kata, ngi la ai bor ia u Chief Secretary ka Jylla lem bad ki Ophisar ba kin khmih bniah ia ka kaiphod” la ong u Bah Paul.
U Bah Paul ula ong ka kaiphod ka dei kaba bun sla bad rben bha hynrei ia ka jingkynthoh lyngkot (Summary) jong ka kaiphod la wanrah hapoh ka jingialang jong ka kynhun Myntri Sorkar ban ioh iasyllok. U Bah Paul ula ïathuh ia ka kaiphod ba pura yn sa wanrah hapoh ka Dorbar jong ka Iingdorbar Thaw Ain ka Jylla ka ban long ha u bnai Nailur 2025.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project