Ai Scholarship ka WJSU ïa ki khynnah skul

Ka jingiaid lynti ka  War Jaiñtia Student Union (WJSU)  lyngba ka Education Sub Committee naka bynta ban pynioh scholarship iaki khynnah skul ka thaiñ Amlarem da kaba pyniakhun compitative exam, ha kane ka sien ba ar ruh kala long kaba jop namar hadien ba 15 ngut kiba shah jied ban ioh pdiang iaka Scholarship ba 1000 tyngka shibnai naka bynta shisnem haka 16 tarik mynta u bnai ka seng WJSU kala sdang ban ai iaka scholarship shaki khynnah skul haka jingialang bala pynlong ha Riwar Jaiñtia Church of God Secondary School Ladjaplem. Ia kane ka jingialang la tip kum ka Follow up examination 2025 “Scholarship Distribution Ceremony” ha kaba ki khynnah bala shah jied ban ioh scholarship naka WJSU kila wan ban shim iaka pisa scholarship ha ryngkat  ki certificates bala aiti da u kongsan u Medling M Swer MDC UDP naka War East,  u Symbud kongsan u Jamshaphrang Pohtam MDC VPP naka War Central ha ryngkat ki dkhot  nongialam ka seng WJSU.

Naka liang kine ki arngut ki MDC ka JHADC haba kren ai mynsiem iaki khynnah skul ba kin iaid shakhmat haka pule puthi kila pynkynmaw ruh iaka jingiaid lynti ba ki mad haka jingim  kum ki khynnah skul kaba ki thrang ban ioh iaka jingnang jingstad watla hapdeng ki jingshah khanglad naka daw ba ban ka jingduk kumba ki wan naka ïing ba  duna ka ioh ka kot. Ki ong kumba maki ruh ki lah ban bteng iaka  jingpule wat hapdeng ki jingeh, ki ngeit skhem ba kine ki khynnah skul ruh ki lah hi ban leh lyngba ka jingbtin lynti u Blei.sa kawei ruh kumba  ong ka ktien haba don ka mon ymdon ba lah khanglad ban poi sha kata ka thong.Naka bynta kito pat ki khynnah skul bym pat lah ban jop haka jingiakhun compitative exam naka bynta ban ioh scholarship, ki ong ba ka  jingshah rem ba mad haka jingim ruh ka long ka lad ban lah lehbha shuh shuh shakhmat.

Ha kajuh ka por ki iaroh ruh iaka seng WJSU ba kala shim ia kane ka sienjam watla dei kaba rit ruh  long  pat ka jingiarap bakhraw  haka jingiadei bad ka pule puthi ki khynnah ba wan naki longïing ba duk. Naka liang u Jamshaphrang Pohtam ha kane ka sngi ula pynbna ruh ba un ai jingiarap  shaka WJSU naka bynta shibnai ka bai scholarship ki khynnah skul