Ka Sorkar Jylla ka la wanrah ka jingpynkylla haba ia dei bad ka jingtei ia ka jingkieng kaba don harum ka Jingkieng Dam. Kane ka Jingkieng kaba don harum Jingkieng Dam kadei ban pyniasoh iaki kali heh bad ka surok bah kham haneng ka Jingkieng Dam.Ia kane ka rai ban tei daka Jingkieng harum ka Dam kadei hadien ka jingud jingnam ki paidbah khamtam kiba kamai daki kali heh kum ki Night Super, ki trok namar ka jingpyrkhing ban iaid lyngba ka Jingkieng Dam.
Kane ka Jingkieng thymmai kan plie lad iaki Night Super ban rung sha ISBF Mawiong bad kumjuh ruh kan plie lad iaki kali heh ban rung sha sor Shillong. Haba iadei bad kane u Symbud Myntri Rangbah ba khmih iaka tnat Transport u Bah Prestone Tynsong u la iathuh ba ka jingpyntrei iaka jingkieng la dep kumba 90% bad ka Sorkar ka khmih lynti ban plie noh ha u bnai Nohprah 2025.
“Ngi la dep khmih bniah ia baroh ki jingdonkam. Ki Architect bad ki Designer kila leh iaka ba donkam bad ngi la rah iaka Jingkieng kham shajrong khnang ba kan nym shah ktah lada pyllait um na Dam” la ong u Bah Prestone.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station