Ia ka shuti (Leave) jong u Vice Chancellor (VC) ka NEHU u Prof PS Shukla la pynjlan da ka tnad pule puthi haduh ka 13 tarik u Nohprah, la ong u Vice Chancellor In-charge ka NEHU u Prof N Saha “Kat haduh ba ka Inquiry Committee kan aiti ïa ki jinglap jong ka sha ka Ministry of Education ka Sorkar Pdeng, u Prof PS Shukla un nym buh kjat hapoh NEHU kata haduh ka 13 tarik u Nohprah” la ong u Prof N Saha. U Prof N Saha u la ong ba ka Committee kam pat aiti ia ka kaiphod jong ka, “Shisien ba la dep aiti ia ka kaiphod, ka Ministry kan sa shim ia ka rai jong ka” u la bynrap.
Lah ban kdew ba naduh ka por 8:30 baje mynstep, la iohi ba ki samla pule ki pahara ha baroh ki khyrdop (Gate) jong ka NEHU ban khang lad ia u Vice Chancellor (VC) Prof PS Shukla ban rung shapoh jong ka skul bah. La iohi ruh ba ki samla pule ha ryngkat ki nonghikai ki dang ap habar jong ka Administrative Block, ban ap ia ka khubor jong ka jingwanphai biang jong u Prof PS Shukla.
Lah ban kdew ba Prof PS Shukla u la thoh sha u Principal Secretary ka tnad pule puthi ka Sorkar Pdeng da kaba pyntip halor ka rai jong u ban rung kam ha ka 2 tarik u Nohprah.
You may also like
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik