Ba kynnoh lehmon ki bar Jylla, lum jingïalang u CEM ia ki Nongsynshar Hima Mawlong bad Sohra

U Chief Executive Member (CEM) ka Khasi Hill Autonomous District Council (KHADC) u Bah Shemborlang Rynjah u la lum ia ka jingialang bad ki khlieh Nongsynshar ka Hima Mawlong bad Hima Sohra ban iakren halor ka jinglehmon ki bar Jylla ha ki thaiñ khappud jong ki artylli ki Hima kiba don haki thain khappud India-Bangadesh.Kane ka jingïalang ka wan hadien ka jingioh jingujor na bun balang ba ki bar Jylla kila leh mon bha hapoh kane ka thaiñ khamtam hadien ba ki ioh jaka ruh ban shna iing kaba la wanrah ka jingjyllei ka jingwan buhai shnong sha kine ki jaka.

Haba kren sha ki lad patahi khubor u CEM ka KHADC u Bah Shemborlang Rynjah u la iathuh ba ha ka jingïalang, ki khlieh Nongsynshar jong 2 tylli ki Hima bad kiba don lang, kila pynsngew halor ki mat ba ktah ia ka thaiñ.U Bah Shemborlang u la pynshai ba ka jingwan hiar sha kane ka thaiñ kam dei satia ban khynra License jong bar Jylla ba don dukan hapoh ka thaiñ hynrei ka dei ban khot ia ki Nongsynshar Shnong ban iatai ia ki mat ban sngewthuh ia ki jinglong jingman ha kine ki thaiñ.”Ha kane ka sngi ngi la ioh ban iakren halor ka khaii pateng, Trading License, ki iew beaiñ bad kumno ban tehlakam ia ka jingrung kyrthep ki briew na Bangladesh bad halor ka jingai kyrteng ia ki shnong Khasi da ktien nongwei” la ong u CEM.

Haba iadei bad ka jingdon ki Iew thymmai, u CEM ula ong ba mano manor uh kim lah ban thaw Iew thymmai khlem da pat ioh jingbit naka District Council.U CEM ula ong “Katkum ka Amendment Elaka Act 2023, nangne shakhmat ki nongialam shnong kin hap ban lum ia ka khana samari ia ki nongshong shnong khamtam ha ki thaiñ khappud ban wan aiti pat sha ka council”.Halor ka jingai kyrteng da ka ktien nongwei ia ki shnong Khasi, u CEM u la ong “Ka Hima ka la dep ban pyntip sha ka council ia ki sienjam ba kan sa shim bad mynta kane kala iaid shakhmat ban pynkylla noh ia kine kyrteng shnong sha ka ktien Khasi”.