Bakla jur, ong ka Congress ba pynjlan ïa ka ilekshon GHADC sha ka 6 bnai

Ka Meghalaya Pradesh Congress Committee (MPCC) ka la ong ba ka jingpynjlan ka sorkar MDA sa hynriew bnai ia ka samoi treikam ka Garo Hills Autonomous District Council (GHADC), ka dei kaba bakla.Haba kren sha ki lad pathai khubor hynne ka sngi, ka Working President ka MPCC ka Deborah Marak kala ong ba ka sorkar ka dei ban suspen tang ia ki ar tylli ki konstitwensi kiba don ka jingiakajia kynthup ka Shyamnagar bad Balachanda, ym ia baroh ki konstitwensi.Ka Deborah ka la kam ba ha ka jingshisha ka sorkar ka dei ban pyniaid beit ia ka elekshon sha GHADC kumba

la pynbna hynrei ka jingpynsangeh kynsan ka dei ka lynti ka bym iahap satia. Ka la bynrap ha ka jingshisha u Myntri Rangbah ka jylla ula dei ban khot ia ka jingialang jong baroh ki kynhun seng sain pyrthei khnang ban ia ioh ban ai jingmut, hynrei um shym la khot jingialang eiei haduh mynta bad ula shu shim rai shimet hi marwei.   “Ngim sngew iahap ia ka jingpynjlan sa hynriew bnai ia ka samoi ka GHADC. Ha ka jingshisha kila dei ban sospon tang ia ki ar tylli ki konstiwensi kiba don ka jingiakajia katba ia kiwei ki konstiwensi kidei ban pyniaid beit ia ka ilekshon,” ka la ong.

Ha kajuh ka por ka Deborah, ka Congress ka kyrshan ia ka jingdawa ki paidbah Garo ba kiban iakhun bad iashim bynta ha ka ilekshon sha GHADC, dei ban long tang ki Garo. Ka la ong ba ka party kala kyntait ban ai ticket ia u Estamur Mominin uba dei u bar jylla ha ka ilekshon sha GHADC. “ Ngi burom ia ka rai jong ki paidbah bad ngi rai ba ngin ym ai tiket ia kino kino ki bar jylla,” ong ka Deborah.