U Symbud Myntri Rangbah ba khmih iaka tnat Transport u Bah Sniawbhalang Dhar u la pyntip ba shen yn sdang khot thep Tender noh ban sdang pynheh iaka Umroi Shillong Airport. Haba kren shaki lad pathai khubor u Bah Sniawbhalang u la ong baka jingkhot thep Tender kadei naka Airport Authority of India (AAI) bad iaka Tender ba nyngkong ruh la dep ban khot hynrei ki don ki jyrwit jyrwat baka AAI ka donkam ban pynbeit. U Bah Sniawbhalang u la pyntip ba hadien bala dep khot Tender, ka por ban pyndep iaki kam ban pynheh iaka Umroi Shillong Airport kadei 18 bnai.
“Ngi kyrmen ba hapoh mynta u snem 2025 yn sdang noh iaki kam ban pynheh iaka Umroi Shillong Airport bad ngi kyrmen ruh baka AAI kan pyndep noh ban khot Tender” u la ong. Haba kylli halor ka Baljek Airport, u Symbud Myntri Rangbah u la ong baka Sorkar Meghalaya ka dang ap iaka jubab naka AAI ban pynlong iaka jingjurip lang iaka kad Liengsuin hashuwa ban shim iaka rai, ban pynheh iaka. U Symbud Myntri Rangbah u la ong baka jingleit jurip ka long kaba donkam khnang ban ithuh, kano ka jaka kaba long ban pyndonkam bad kano ka jaka ba bym long ban pyndonkam daka bynrap ruh baka Sorkar kan pyrshang ban thied jaka biang ban pyndap iaka jingdonkam ban pynheh iaka Baljek Airport.
“Ngi donkam iaki riewshemphang jong ka AAI ban wan jurip lang khnang ban tip, haduh katno ka jaka ka Sorkar Meghalaya ka donkam ban thied ban pynheh iaka kad Liengsuin” u la ong.
You may also like
-
Iakynduh u Air Marshal bad ki nongthoh khubor
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi