Bat ka KSU bad DS Mawbah haduh 50 ngut ki bar jylla

Ka KSU Mawprem Circle ha ryngkat Ka Dorbar shnong Mawbah ha kane ka sngi saitjain ki la ioh kem haduh 50 ngut ki Khar Muslim kiba thmu ban wan rieh tngen ha jaka mane Blei ha Bilal masjid kaba don shnong Mawbah, Mawprem.
Kine ki khar Muslim kiba la iohbat kidei na ka jylla Uttar Pradesh, West Bengal, Assam.
Ka dorbar Shnong ha ka jingialam jong u Rangbah shnong u Bah Arisstone Thabah, ryngkat ki seng samla shnong bad ka seng KSU Mawprem, hadien ba ki la pyllong ka jingjurip ha katei ka jaka, ki la lap da ki phew ngut ki bar jylla, ki Khar Muslim ki ba shu wan rung khlem ka jingtip ka dorbar Shnong bad hadien ba la bishar iaki kot ki sla la lap ba kim dei satia ki briew na kane ka jylla.
Ia kitei kobar jylla, na ka liang ka seng bad ka dorbar Shnong ki la aiti noh ia ki baroh sha ki Pulit ka Jhalupara Out-Post ban leh ia kaba donkam bad hadien kane na ka liang ki pulit ka Jhalupara out-post ki la pynkit bad beh syndon sha ki jaka ba ki wan.
Na ka Liang ka KSU Mawprem Circle lem bad ka Dorbar Shnong ka phah khubor sha baroh ki nongshong shnong kiba marjan ba kin long ki ba peit pyrman ia kum kine ki briew ban
ym bit ban ai jaka rieh tngen ia kine ki briew.
La maham ba lada lap, na ka liang ka Seng bad ka Dorbar Shnong kan leh da kaba tyngeh bad la maham ruh ia ki nongpyniaid ka masjid ba lada dang lap ba dang pynsah briew biang, ka seng ryngkat bad ka dorbar Shnong kam banse ban khang syndon iaka namar la plie iaka masjid ban dwai bad mane ym ban pynlong jaka rieh tngen ki bar jylla.