Bthah ka High Court ban ai jaka ia ki nongdie madan ha Laitumkhrah

Ka Iing bihar jong ka Meghalaya High Court ka la bthah ia ka sorkar ban pyndep ban ai jaka ia ki nongshong dukan die madan harud surok ha ki thain Laitumkhrah hapoh u bnai Kyllalyngkot, 2026. Ia kane ka hukum la pynmih da ka division bench ba kynthup ia u Chief Justice Soumen Sen bad Justice HS Thangkhiew ha ka 10 tarik Nohprah, hadien ba shimkhia ia ki kam ba la leh da ka Shillong Municipal Board.“Halor ki kam ba la leh bad ki jingpynpaw ha ka affidavit ba ia ka jaka shong dukan ki nongdie madan lah khmih lynti ban pyndep hapoh ka taiew ba nyngkong u Kyllalyngkot, 2026 bad ia kane ka kam la buh ban shong bishar biang ha ka 28.01.2026. Ka Shillong Municipal Board ka dei ban ai shuh shuh ia ka kaiphod ha ka dur jong ka affidavit ha kane ka sngi bishar” ong ka Iingkashari.

Ka Iing bishar ka la pyntip napdeng ki 43 ngut ki nongdie madan 14 ngut la kynthup ha ka thup ba la pynmih da ka Provisional Town Vending Committee (PTVC) bad 15 ngut ki nongdie dukan madan la shem ba ki dei shisha ki nongshong die madan bad la ai jingmut ban leh eiei na ka bynta ka jong ki. Ka PTVC ka la rai ban pyndep noh ia ka thup ki nongshong dukan die madan bad ka Sorkar ruh ka la dep ban pynbna ia ki jaka ban buh dukan madan.

Ka Sub-Committee ka la pynkhreh ia ka Standard Operating Procedure ban sngap ia ki jingkam bad jingpyrshah ia kiba aplai licence.