Ki trok kit skum kiba kynthup iaka trok Pick Up bad ia ka trok heh kiba iaid na shilynter ka surok Mawsiatkhnam ter ter sha Mawtawar la sakhi ba ki la kit shaba palat u pud bad kane ka buh jingma ia ki paidbah.
Katkum ka tyllong khubor ba la iohlum la iathuh ba kane ka jingkit palat pud jong kine ki trok ka buh jingma, namarba ki don ruh kiba la rat syndon ia ki sainar ilektrik ha ki bynta jong ka Shnong bad kane ka la pynlong ia ki nongshong shnong ban sheptieng ioh don ka jingpluh ding.Kumta na ka liang ki paidbah Nongshong shnong ki kyrpad ia ki Bor District kiba dei khmih kyrpang na ka bynta ka jingshngain ka leit ka wan ban leheiei ia kien ki kali kit palat pud bad ban bthah ruh ia ki ban tap tarpaulin ia ka load na jrong bad ia ki side body jong ka kali khang ban ym buh jingma ia kiba iaid ba ieng.
Da ka jingdon kine ki kali kit skum ki bymsuidniew ia ka khuid ka suba,ka la pynlong ia ki surok bad ki Shnong bapher bapher kaba jaboh wat hadien ba la dep ban pynkhuid Shnong ruh.
You may also like
-
U Manuel Badwar na Laitumkhrah, Hilarius Warbah Mawkynrew
-
Wanrah u CEM da ka Resolution, dawa ban pynshai ka Sorkar halor ka IMA
-
Wanrah u CEM da ka Resolution, dawa ban pynshai ka Sorkar halor ka IMA
-
Na ka T.38 klur ka bhah KHADC, bat ka sorkar T.4.57 klur ban pynlong ilekshon MDC
-
Mynjur ka KHADC ia ki Rules ban khang ot kilo ia ki mar rep ha Iew