Ka Myntri pla tnat pla tyngka (Finance) Sorkar Pdeng ka Nirmala Sitharaman hynne ka sngi ka la plie paidbah ia ki 72 tylli ki Digital Library ha kylleng ka jylla Meghalaya bad ka la buh Mawnongrim bun tylli ki project kam pynroi ha Jylla ha ka jinglut kumba T.1087.81 klur.
Ki project ba la buh mawnongrim hynne ka sngi, ki kynthup ban pynitynnad ia ka wah Umiam ne Redevelopment of Umiam Lake ha ka jinglut ba T.120.81 klur, ka MICE & Tourism Infrastructure ha Mawkhanu T.103 klur, ka Mawkhanu Football Stadium T.732 klur, ki Working Women’s Hostels ha Shillong, Jowai, Byrnihat bad Tura ha ka jinglut ba T.132 klur, ka Office-cum-Residential Complex jong ka CBIC, New Shillong ha ka jinglut ba T.256.23 klur, ka Northeast Regional Campus of Indian Institute of Corporate Affairs ha Mawkhanu ha ka jinglut ba T.100.95 klur.
Ïa kine ki skhim la bei tyngka lyngba ka Special Assistance to States for Capital Investment (SASCI) lait noh ka project Northeast Regional Campus of Indian Institute of Corporate Affairs ha Mawkhanu kaba la bei tyngka na ka PM’s DevINE.Ha kane ka sngi ka Nirmala Sitharaman ka la plie ia ki mawnongrim ha ka jingïalang ba la pynlong ha LARITI International Centre for Performing Arts and Culture Mawkasiang ha ka jingdonlang u Myntri Rangbah ka Jylla u Conrad K Sangma, u Symbud Myntri Rangbah u Bah Sniawbhalang Dhar, ki heh Sorkar bad kiwei kiwei de.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla