U nongaiktien ka BJP u bah Mariahom Kharkhrang, ula ong ba bunsien ki kali heh sorkar ki pynpah sairen hynrei ki briew kiba shong hapoh kali, kim dei hok ban ioh ia ka kyrdan VIP. U bah kharkrang ula ong ba ka jingiaid laitluid ki briew ki bym dei ki VIP, ka la pynbitar ia ki paidbah haba ki iohi ia kane bad ka la dei ka por ba dei ban ia burom ym ban shu shim kabu. Halor ka ka jingjia ba khlad u samla katba dang leit sha tamasa Cherry blossom, u bah Kharkrang ula ong ba kane ka jingjia ka long kaba sngewsih.
Ula ong ba ia mynta ka jingtohkit ka dang iaid, ym pat lah ban ong mano ba bakla, namar ba ka la don ka jingkynnoh ba ka dei ka jingleh bakla ka kali pulit ba synran ia u Myntri ka tnad jngohkai ka jylla. U bah Mariahom ula ong ba ki myntri sorkar ki don ka kabu ban don ki pulit synran ban leit beh ia ka por hynrei kaba ktah ka long ba don ki briew ki bym dei ban ioh ban pynpah sairen ruh ki la pyndonkam bakla ia kane.
U bah Mariahom ula ong ba ka sorkar ka dei ban ai laitluid ha ki pulit ban leh da kaba tyngeh ia kito kiba shim kabu ban leh VIP.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party