U Symbud Myntri Rangbah ba khmih ia ka tnat kam pohiing (Police) u Bah Prestone Tynsong ula ïathuh ba ka jingslem ban ker sainar shiah sha ia ki thain khappud ka Meghalaya-Bangladesh ka dei namar ba ki paidbah nongshong shnong kim iahap ia ki kyndon jong ka Sorkar Pdeng.Ka kyndon ka Sorkar Pdeng ba ia dei bad ka jingker sainar shiah (Fencing) ha ki thaiñ khappud ka dei ban ker sainar na 150 Yard ba don u Zero Line. Lah ban kdew ka Meghalaya ka don kumba 443 km u pud u sam ba ïajan bad ka Ri Bangladesh bad sa kumba 40 km ki khappud kim pat dep ban ker sainar shiah.
Haba kren sha ki lad pathai khubor u Bah Prestone ula ong ba ki don katto katne tylli ki shnong ba hap hapoh 40 km ba khlem pat ker sainar ha ki than khappud Meghalaya-Bangladesh. U Bah Prestone ula ong ba ki nongshong shnong ki la pynpaw lada ker sainar shiah na 150 Yard u Zero Line, bun tylli ki shnong kin hap noh shabar ka jingker sainar bad kan long ka jingma ia ki nongshong shnong ban im hapdeng ka jingsyier khlem ki bor iada.
“Haba ia dei bad kane ka Sorkar Jylla ka la ïakren bad ka tnat Ministry of Home Affairs (MHA) Sorkar Pdeng ban pynbor ia ka Sorkar Bangladesh ban ker sainar shiah beit na khappud ban iada ia ki nongshong shnong ha khappud” la ong u Bah Prestone.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla