Byrngem sangeh treikam 12 tylli ki Bank 48 kynta

Ki nongtrei jong ki 9 tylli ki Bank ha ka ri hapoh ka United Forum of Bank Unions (UFBU) hynne ka sngi ki la pyllong ia ka jingiakhih ban dawa na ka sorkar halor ki 12 tylli ki mat bad la byrngem ban sangeh treikam ha ka 48 kynta kata naduh ka 23 haduh 25 tarik, Lber.

Ki Khyndai tylli ki kynhun Bank ha ka ri ki kynthup ia ka All India Bank Employees Association (AIBEA), All India Bank Officers Confederation (AIBOC), National Confederation of Bank Unions (NCBU), All India Bank officers Association (AIBOA), Bank Employees Federation of India (BEFI), Indian National Bank Employees Federation (INBEF), Indian National Bank officers Congress (INBOC), National organization of Bank Workers (NOBW) bad ka National Organization of Bank Officers (NOBO).

U Convener ka Meghalaya State Unit u bah Wanraplang Mawroh, ula ong ba ki 12 tylli ki mat jingdawa, ki kynthup ban thung kam kaba biang ha baroh ki kyrdan da kaba thung pura ia ki nongtrei, ban pyntreikam ia ka 5 Day work per week ha ki Banking, ban weng mardor ia ka jingbthah kaba pynmih dang shen ka sorkar halor ka DFS bad ia ka PLI, kaba buh jingsyier ia ki nongtrei ha ka kam, ban ai jingshngain ia ki nongtrei na ka jingshah thombor ha ki paidbah, ban pyndap ia ki kam Workmen/ Officer Director ha PSB, ka jingsahteng ka IBA, ban pynkylla ia ka Gratuity Act, ban pynneh 51% ka Equity Capital ha ka IDBI Bank ka sorkar, ban pynsangeh ia ka PSB, ban sangeh ia ka jingaiwai ia ki kam ba thung pura bad ban sangeh ia ka jingaikam bym khuid ha ki bank.