U Symbud Myntri Rangbah ka jylla u bah Prestone Tynsong ula ong ba ka sorkar ka dang peit bniah halor ka jingdawa ban thaw ia ka Laskein Civil Sub Division. U MLA ka UDP na Mookaiaw uba la wanrah ia kane ka jingkylli ha Iing Dorbar hynne ka sngi, ula pynpaw ia ka jingbynniaw namar kane ka mat kadei kaba la wanrah naduh u snem 2018, hynrei ka jubab ka long kumjuh hi ba ka sorkar ka dang eksamin sah. U bah Nujorki ula ong ba ka Laskein Block ka la dei hok ban ioh ia ka jingkiew kyrdan kaba la thaw ha u snem 1973 bad ka don 1.75 lak ki nongshong shnong ha ka jingheh kaba 500 sq km.
U bah Prestone ula ong ba ka jingthaw ia ka Civil Sub-Division hap ban peit bha da ka sorkar namar ba ka iasnoh bad shibun ki tnad sorkar. U Symbud Myntri Rangbah ula pyntip ba ka sorkar ka la pan jingtip na ki tnad halor ka jingthmu ban thaw ia ka Civil Sub-Division bad halor kane, ka sorkar ka la thaw ia ka Committee kaba khlieh u Chief Secretary halor kane.
Halor ka jingkylli katno ka jinglut ban thaw ia ka Civil Sub-Division haka shi snem, u bah Prestone ula ong ba kam don ka jingtip kaba thikna halor kane hynrei shisien ba la thaw ia ka Civil Sub-Division, kin don ki kam bad ki jingtei ban hap pyllut ka sorkar.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project