Dawa ka HYC ban sangeh shwa ia ka ‘CM IMPACT Guidebook’ ha ka klas X bad XIII

Ka Hynniewtrep Youths’ Council (HYC) ka la dawa ba ka sorkar jylla ka dei ban pynsahngeh shwa ia ka jingpyntreikam ia ka kot iarap ka ‘CM IMPACT Guidebook’ na bynta ki khynnah pule ha ka klas X bad XII jong ka MBOSE.Ka seng ka la dawa ba dei ban pynsahngeh shwa ia kane ka kot bad kadei ban da pyllong shwa ia ka jingiaphylliew ka jingtwad jingmut na ki nonghikai, ki nongwad bniah kiba shemphang ha ka pule puthi.“

Ngi kyntu ia ka sorkar jylla ba kadei ban khmih bniah bd ban pyrkhat bha biang ia ka rai halor ka jingwanrah ia ka ‘CM IMPACT Guidebook’ na bynta ki khynnah pule klas X bad XII jong ka MBOSE namar kane ka kot iarap ka sorkar ka lah ban pynhiar kyrdan ia ka pule puthi ha ka jylla,” ong u President ka HYC u bah Roy Kupar SynremU President ka HYC ula ong ba kane ka polisi ban ai kot iarap ia ki khynnah tang ban shu kynmaw khlem don ka jingsngewthuh, kan ktah ia ka jingiakhun eksam jong ki hadien habud.“ Kane ka rukom ban ai kot iarap ia ki khynnah tang ban shu kynmaw khlem da don ka jingsngewthuh, kan ktah ia ki khynnah bad kan sa buh jingeh ia ki, khlem da don ka jingsngewthuh,” ula ong.

Ula ong namarkata ngi kyntu ia ka sorkar jylla ba kadei ban pynsahngeh shwa ia kane ka jingpyntreikam ia ka CM IMPACT Guidebook bad kadei ban da pyllong ka jingiaphylliew jingmut na ki nonghikai, ki nongwad bniah ha ka pule puthi.“ Ngi kyntu ia ki bor halor ka tnad pule, ba kidei ban da puson jylliew bha namar ba ki khynnah ha kane ka juk ki donkam ia ka rukom pule kaba ym dei ban shu kynmaw hynrei ki donkam ban pynrung ban da pyrkhat sani bha,” ula bynrap.