Dawa ka Liang pyrshah ban ym ai Licence dukan kiad ha Jylla

U Nongialam ka Liang Pyrshah u Dr Mukul Sangma hynne ka sngi ula dawa na ka Sorkar Jylla ban pynduh pyndam noh ban ai License Dukan Kyad (Wine Store) hapoh ka Jylla. Ïa kane u Dr Mukul u la pynsngew hapoh ka Iingdorbar Thawain haba shim bynta ban ïatai halor k Cut Motion ba wanrah da u MLA Nongkrem u Bah Ardent Miller Basaiawmoit halor ka rukom treikam ka tnat Excise. Haba kren hapoh ka Iingdorbar u Dr Mukul u la buh jingkylli ruh ia ka Sorkar, haba ia dei bad ki kyndon ban ai License ia ki briew ba kwah ban plie dukan kiad (Wine Store).

U Dr Mukul u la kam ha haki snem bala dep ka Sorkar ka pyrkhing bha ia ki kyndon ban ai Licence da ka pynthikna ba ki dukan kiad kim dei ban ïajan na kawei ka dukan bad kawei pat, ki dukan kyiad kim dei ban jan bad ki jaka pule, ki mane Blei bad ki surok bah. U la kam ruh ba ka jingsuk palat ka rukom ban ioh License kala pynlong iaki khun samla ban shim ram ban plie dukan kyiad hynrei kane kala buh jingeh iaki lada kim lah ban siew bai wai dukan namar ka khajna ba kidei ban siew shaka tnat Excise ruh ka long kaba heh.

“Nga sngewkhia bad nga kren naka bynta ki paidbah ka Jylal bad nga dawa ia ka Sorkar ba nangne shakhmat kam dei shuh ban ai Licence ban plie dukan kyiad thymmai ha baroh kawei ka Jylla” la ong u Dr Mukul. U Nongialam ka Liangpyrshah u la ong ba ha kane ka juk mynta, ki kyndon ban ioh Licence dukan kyiad hapoh ka Jylla ki long kiba suk palat bad kane ka pynlong ïa baroh ban Apply License dukan kyiad. “Baroh kiba Apply ruh ki ioh beit ia ka Licence, kaei ka daw ba pynlong ia ka Sorkar ban kloi palat ban ai Licence ïa katba kiba Apply” u la ong.