Ka Synjuk ki Nongniah Taxi Sor bad Khapsor hynne ka sngi ki la iakynduh ia u EM ka tnad Trade ka KHADC, u Bah Weston Tony Lyngdoh ban dawa ban nym ai Labour Licence shuh ia ki bar jylla ban kamai kali. Haba kren sha ki lad pathai khubor u Working President ka Synjuk Nongniah kali Taxi Sor bad Khapsor u bah Shimladlang Rynjah, ula ong ba ka kam niah kali ka dei kawei ka lad ban ai kamai ia ki samla trai ri.
Ula ong ba halor kane, ka seng ka la ju dawa na ka EC barim hynrei kam shym la shimkhia kumta ka la pynlong ia ka Synjuk ban wan iakynduh ia u EM ba thymmai ban pynsngew halor ki jingeh ba ki trai ri. U la ong ba ka EC kaba rim hadien ba la ioh ia ka jingujor na ka seng, ka la pyllong ia ka jingtalasi tang shisien bad hadien tang katto katne sngi, la long biang kumjuh ha kaba ki bar jylla kila ioh kamai sahuh ha kane ka jylla.
Ula kyntu ia kane ka EC ba thymmai hapoh ka jingialam ka VPP ba kan shimkhia bad kan nym ai Labour lisen shuh sha ki bar jylla ban kamai kali. U la ong ba ka seng ka khmih lynti ba kane ka EC kan leh ia kaba dei ban leh eiei halor kane ka jingujor ka seng.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project