Dei ban set phatok ia u Sofior Rahman u pynkhein ia ki hok ki riewlum

Ka All Achik Youth Federation (AAYF) ka la kyntu ia ki pulit ka West Garo Hills ban register ‘Suo Motu’ pyrshah ia u MDC barim ka Baitbari u Sofior Rahman halor ka jingkren u Sofior lyngba ka video ha facebook ban pynjah burom ia ka hok ki riewlum Garo bad ia ka dustur ai jait kmie. Ha ka kyrwoh, u vice president ka AAYF u Rikkam P Marak ula kynnoh u Sofior Rahman ula iai bteng ban tuklar bad pynkhein ia ki hok ki riewlum bad ka Federation ka dawa ba dei ban set phatok ïa u hapoh ki kyndon Bharatiya Nyaya Sanhita, 2023 bad ka SC/ST (Prevention of Atrocities,19 Act) A9.”Ngi kyntu ia ki bor ka ain na West Garo Hills ban Register Suo Motu pyrshah ia u hapoh ki kyndon ain” u la ong.

Ha ka shithi ka federation ka kdew 8 tylli ki kyndon kynthup ki kyndon 46, 122(2), 192, 196(1) (a), 352 bad 353 jong ka BNS bad ki kyndon ka kyndon 3(1) jong ka ain SC/ST bad kynnoh ka jingkren u MDC barim ka buh jingma ia ka shongsuk shongsain bad ia ki trai ri trai muluk.Ka AAYF ka la pypaw halor ka jingsumar khun, da kaba kynnoh ba ka jingshim jong u Rahman ïa ka khun kynthei ka long pyrshah ïa ka riti dustur ki Garo ba ka kmie ka bat ïa ka jingsumar khun.Ka jingkren ka thew ïa ka histori ka longïing jong u Sofior Rahman, ki kmie ki kpa tymmen jong u, ki wan na Dhubri, Assam, sha Baitbari ha u snem 1965, hadien ka jingshlei um bad ka ïathuh pat ïa kawei ka jingjia ha u snem 2009 bad kynnoh ba ki Garo na katei ka jaka ki la pynjulor ïa ka kali jong u.

“Ki kmie ki kpa jong u Sofior Rahman ki la wan buhai shnong sha Baitbari, West Garo Hills, Meghalaya na Dhubri Assam, ryngkat bad ki 100 kiwei pat ki longïing, ha u bnai Risaw 1965 namar ka jingshlei um ha Dhubri District Assam hynrei ki nongialam arsap ki  iarap ban pynbang ki kot ki sla bad pynlong kum ki Vote Bank”.