U president ka Hynniewtrep Achik National Movement Eastern West Khasi Hills District u samla Artis Ryntathiang haba kren ha ka jingleit buh Syntiew ha u mutdur u Syiem Tirot Sing ha Nongkhlaw ula kyntu ïa ka sorkar khamtam ïa u myntri ba dei khmih ïa ka tnat kam jngohkai ka sorkar jylla u bah Paul Lyngdoh ba kin shimkhia ban pynjanai shuh shuh ïa ki jaka jngohkai kiba don ha ka Shnong Nongkhlaw ka shnong jong u Syiem Tirot Sing.
Ha kane ka sngi ka seng HANM ha ka jingïatreilang bad ka Hima Nongkhlaw, kum shi bynta jong ka jingrakhe ïa ka lyngkhuh sngi ïap ba 190 u Syiem Tirot Sing bad kum shibynta jong ka Jingrakhe ïa ka jingdap 500 snem ka Hima Nongkhlaw ka la pynlong ïa ka jingïakob ïa mareh thong ïa kaba la tip kum ka ‘3rd Syllad Naphang Marathon’.
Ha kane ka jingiakob ïa mareh na Kynshi sha Mairang ïa ka nam lahduh na ki shynrang la ïoh da u samla Wanbok L.Mawphlang, ïa ka kyrdan ba ar la ïoh da u samla Marshal Wanniang bad ïa ka nam balai la ïoh da u samla Wankyrmen L.Mawphlang. Shuh shuh na ka liang ki kynthei ïa ka nam lahduh la ïoh da ka samla Nerisa Nongrum katba ka Fornisha Mawlong bad ka Marsha Wanniang ki la wan ha ka kyrdan kaba ar bad ba lai.
You may also like
-
Ka sorkar ka iakren tang ki Polisi ban ioh myntoi shimet: KSU
-
Pynkhreh ka HANM ban leit tur sha Iing Dorbar Thawain ka Ri ban pynurlong ki jingdawa ka jaidbynriew
-
Syllad ka Eriong bun ki iing bad jingthung ha shnong Umdap Dumu bad Rngi
-
Pynkup burom ka KSU ïa ki samla pule bapass bha
-
Ban pynneh ia ki dohum, khang ban jar, khwai bad riam dohkha ha thwei Phanniewlahrum