Donkti donkti ki nongialam sain hima bad ki heh sorkar: Dr Mukul

U nongialam ka liangpyrshah u Dr. Mukul Sangma ula dawa ba ka sorkar ka dei ban thaw ia ka kynhun tohkit halor ka jinglap ka Enforecment Directorate (ED) ia ka pisa ba lum beain na u dewiong haduh T.1.58 klur Haba kren mynta ka sngi, u Dr. Mukul ula kynnoh ba kane ka jingbteng ka kam beain ban tih bad ban khaii dewiong ka paw shai ba donkti ki nongialam seng sain pyrthei ba don ha ka bor bad ki heh sorkar bad ka la donkam kyrkieh ban thaw kynthun tohkit ban sei madan ia ka jingshisha halor ka jingshah lute ka pisa jong u paidbah ka jylla. Ula ong man ka por, haba ki briew ki ujor ejahar halor ka jingtih bad shalan dewiong beain, ki bor jong ka ain ki da rap jot bym don sakhi bad ula buh jingkylli hato kam dei ka kam jong ki pulit ban wad ia ki sakhi bad ban tohkit haba wan ka jingujor.

U la bynrap tang ha Shahlang, ki pulit ki la dei ban iohi kumno ki nongbylla nabar ki la wan tuid bad kane ka thain ka dei lypa ka sakhi. Ula ong ba ula dep kren ia kane ka kam hapoh ka iing dorbar bad shabar ruh bad ula ai jingthoh sha u Chief Secretary bad sha ka sorkar India. Lah ban kdew ba ka ED jong ka Shillong Sub Zonal Office ka la pyllong ia ka jingkhynra ha ka 24 tarik Iaiong ha ki 15 tylli ki jaka ba buh deiwong ba kynthup ha Jadigittim, Nongalbibra, Jadugopha (Bobgaigaon), Marghrita (Tinsukia) bad Guwahati ha Meghalaya bad Assam katkum ka Prevention of Money Laundering Act (PMLA), 2002 halor ka jingkhaii bad tih dewiong beain bad ki karkhana sain dewiong ne coke plant ha Meghalaya.

Ha kane ka jingkhynra, ka la ioh kurup T.1.58 klur nalor ki kot ki sla, ki tiar kum ki laptop, mobile phone bad 2 tylli ki kali.

Leave a Reply

Your email address will not be published. Required fields are marked *