Ka Phan Nonglait Park kaba don hapdeng ka sor Shillong ka la jot lut ki tiar jingialehkai namar kumba ka paw kam don ka jingmaramot. Kane ka park ka dei kaba ju sngewtynnad bha ki briew ban ialam kai ia ki khynnah ban leit shong syntuid, sohpadoi, tarajur, shyrwiang bad ki jaka shong ruh bun kiba pait pei. Ban rung sha kane ka park, hap siew T.20 marwei kiba heh bad T.10 ki khynnah.
Ha ka jingleit rung ha kane ka park, la iohi ba ki bun ki tiar ialehkai ki la jot lut bad bun ki la sarang lut. Ka jingjot ki mar ialehkai, ka la pynthut ia ki khynnah kiba ju leit kai ha ka jingialam ki kmie ki kpa sha katei ka jaka. Lah ban kdew ba dang shen, ka sorkar ka la rah lut ia baroh ki mrad sha State Zoo sha Umtrew, Ri-Bhoi na katei ka park kum ki shrieh, ki khlaw, ki sier, ki skei, ki khiat lait noh tang ki kynja sim kiba dang pynsah ha kane ka park.
Kham mynshwa, ka la don ka jingthmu na ka sorkar ban pynheh ia ka Shillong Civil Hospital da kaba shim jaka na katei ka park. Ka la don ruh ka jingthmu ban shna jaka ieng kali ha katei ka jaka shi bynta ban pynlait ia ka jingkhapngiah.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla