Ka Behdeiñkhlam ka Seiñraij Jowai hynne ka sngi ba bud la sdang iaka daka kñia Aitnar bala pynlut pynsep da u Dolloi, nangta haka por 10 baje mynstep baroh ki shnong ka Kmai Raij ki la mih ha Myngkoi Pyrdi shwa ban leit rah iaki Deiñkhlam na Khlaw, haka por 10:30 pat kila mih ban leit wad la kijong kijong ki Deiñkhlam ha ryngkat ki sur ka bom ka bhuri bad kynhoi risa.Nangta naduh ka por 3 baje janmiet pat baroh ki kmai Raij kila pynpoi iaki Deiñkhlam ha Iawmusiang haki jaka pynshong thait naka bynta ban ieh shimiet bad ai ruh iaka nguh ka dem.
Katba naka liang ki Khon Raij kila pynpoi iaka “Khnong Blai” ha Loomsooïung.Halor kane ka jinglehniam shad Behdieñkhlam jong ka sngi ba ar ruh la ioh ban iakren bad u khlieh jong ka niam ka rukom u Dolloi ka Elaka Jowai u Puramon Kynjing uba la iathuh ba lyngba ka jingpyndep iaka kñia Aitnar hynne ka step kan sa long ka jingkyrkhu iaki paidbah ki ban sa shim bynta shad hapoh jong ka bad ruh ka jingkyrkhu iaki paidbah ba wan sakhi.
Bad ula ai khublei ruh iaki paidbah kumjuh ki tnat sorkar bapher bapher halor ka jingiatreilang jong ki naka bynta ka jingiaid beit iaid ryntih ka jingpynpoi Deiñkhlam hynne ka sngi ha Iawmusiang.
You may also like
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik