Ha u Kyllalyngkot yn plie ïaka surok na Assembly sha Jingkieng Umshyrpi

U MLA ka South Shillong constituency u Bah Sanbor Shullai ula pyntip ba ha u bnai Kyllalyngkot 2026 yn plie noh iaka surok na khyrdop Iingdorbar Thaw Ain Rilbong ka ban poi ha jan Jingkieng Umshyrpi.Kane ka surok ka dei kaba 0.385 km bad iaka kane ka surok la mang T.6.33,69,000 klur naka tnat PWD (Road) ka Sorkar Jylla.Hashuwa kane u MLA ka South Shillong constituency ula leit jurip ia kane ka surok lem bad ki ha 8 Dorbar Shnong jong ka Raid Laban bad ki ophisar ka tnat PWD ka Sorkar Jylla.

Haba kren shaki lad pathai khubor u Bah Sanbor ula iathuh ba haka jingleit jurip la lap ba ka jingpyntrei iaka jingkieng kaba pyniasoh bad ka surok hajan Jingkieng Umshyrpi ka long kaba iaid beit iaid ryntih.U Bah Sanbor ula iathuh ba iaka surok bad ka Jingkieng la mang tyngka naduh ka Sorkar MDA I bad kane ka Surok kan sdang najan khyrdop ka Iingdorbar Thaw ain bad kan pyniasoh shaduh ka surokbah (National Highway) hajan ka Jingkieng Umshyrpi.

“Nga ai khublei ia u Myntri Rangbah u Conrad Sangma bad ia u Symbud Myntri Rangbah u Bah Prestone Tynsong uba dei ruh u myntri ka tnat PWD (Road) kiba la mynjur iaka mang pisa na ka bynta ban shna ia kane ka surok” la ong u Bah Sanbor.U Bah Sanbor ula ong ba kane ka surok kan iarap na ka byna ka jingdheng kali bad kiba kyrkieh kam kiba sahkut hapoh Rhino ki lah ban wan iaid na katei ka surok Ula iathuh ruh ba ia kane ka surok yn plie paidbah noh ha u bnai Kyllalyngkot 2026.