U Symbud Myntri Rangbah ka jylla u bah Sniawbhalang Dhar ula iathuh ka Authority of India (AAI) ka la buh thong ban pyndep hapoh khatphra bnai ban pynheh ia ka Kad Liengsuin Shillong Airport ha Umroi, kata naduh ba sdang pyntrei ia katei ka projek ba la sahteng bun snem.
Haba kren sha ki lad pathai khubor u bah Sniawbhalang uba dei ruh u Myntri ba khmih ia ka tnad Transport ula ong ba katkum ka jingtip ba ula ioh na ka Airport Authority of India (AAI) naduh ba la aiti ia ka jingpyntrei ka Work Order ha ki kontraktor, la buh thong ban pyndep hapoh 18 bnai ia ka jingpyntrei ia ka kad liengsuin.
Ha kaba iadei bad ka jaka ban aiti na ka bynta ban pynheh ia ka Kad Liengsuin, u la ong ba haduh mynta ym pat shym la aiti ia ka jaka, hynrei ka sorkar ka la pynkhreh ban ai ha kano kano ka por ba kin trei. U la ong ba ka jingpynheh ia katei ka Kad Liengsuin kam dei hapoh ka jingpeit ka Sorkar, hynrei la peit beit da ka Airport Authority of India (AAI), bad na ka liang ka Sorkar Jylla ka iaibteng ban kyrpad ia ka AAI ban pynstet ia ka kam. Halor ka jingpynheh ia ka Baljek Airport ha Garo Hills, u Bah Sniawbhalang u la pyntip ba na ka liang ka Sorkar Jylla ka la iawer ia ki bor ka AAI ban leit jurip lang hashwa ban pynheh ia ka Kad Liengsuin.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station