U Symbud Myntri Rangbah ba khmih iaka tnat ka kam Pynroi Sor u Bah Sniawbhalang Dhar hynne ka sngi u la pyntip ba ia ka Iew ha Polo lane ka Market Complex Polo yn sa lah ban plie noh ha u bnai Nohprah 2025. Haba kren sha ki lad pathai khubor u Bah Sniaw u la iathuh ba dang shen u la leit ban jurip hi ia katei ka iew ha Polo kum shi bynta ban pynsted ia ka kam.
“Ka dang don sa khyndiat ki kam kiba dang sahteng bad tang shu dep ban pynbeit ia kata ngin sa plie noh ia ka. Nga tharai ha u bnai Nohprah ngin lah ban pyndep ia kane ka projek” la ong u Bah Sniaw. Halor ki jingbuh ia ki dukan, u Symbud Myntri Rangbah u la ong ba shen ka tnad kan sa khot ia ka expression of interest (EOI) bad ong “kumba ka long mynta, ngin dang ban shim ia ka rai kumno ban leh ia kane”
Halor ka jingtyrwa ban pynkynriah ia ki nongdie die madan na Khyndailad, u Bah Sniawbha u la ong, “Ki dang hap ban pynbeit ia ka tarik. Wat khuslai ngin sa pyndep ia kane ka kam bad ki kam ki jam kila iaid mynta”.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla