Ka jinghiar dor u synsar haduh T.50 tyngka shikilo ka la ktah ia ki nongrep ha Jylla bad don kiba pynpaw kim ioh nong shuh lada khein ia ka bainong ban pynkhuid ban keit bad ban thad, hynrei ba ki la rep ki hap ban trei katba ioh ei. Kumba pynpaw ha ki snem ba la dep ka dor synsar ka long hapoh T.100 shikilo bad kam long kum mynta u snem ka iew ka sniew palat ha kaba ki nongrep ki duh mynsiem ban rep synsar.
Wat la ka dor ka hiar bha hynrei la iohi man ka sngi ia ki trok kit synsar kiba leit pynhap synsar ha kudam jong ka MeCOFED ha Mawiong, Shillong bad la suba ka lah ban don ka jingleh sop sop ki nongkhaii Marwari ban khniot bein ia ki nngrep ha Jylla. Haba kylli ia ki nongkhaii kiba thied synsar na ki nongrep ha jylla ki la iathuh ka jinghiar dor u synsar ka dei ba kam don ka jingdawa ha ki iew bad ka ju jia na ka por sha ka por, hynrei ym lah ban tip ha ki bnai ban wan ka lah ban kiew lada ka don ka jingdawa ha ki iew.
La iathuh ia u synsar na Meghalaya la shalan shabar jylla. Kumjuh la ithuh ka sla tyrpad ruh u hiar dor haba nujor bad ki snem ba la dep bad mynta u snem don ki por ba ki lah ban die ha ka dor T.30 haduh T.40 shi kilo bad kane ruh ka la ktah bad pynduh mynsiem ia ki nongrep sla tyrpad
You may also like
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi
-
Ïakhih ka RBDCC pyrshah ïa ka skhim bylla 125 sngi ka BJP