Iakynduh ki heh sorkar Meghalaya bad Assam, mynjur ki nongshong shnong Papangap ban iasuk

Ban wanrah biang ia ka jingshongsuk ha khappud Assam–Meghalaya, ki heh sorkar na baroh ar liang ki la kynduh hynne ka sngi Nyngkong ha Khanduli Border Outpost (BOP) ban iakren iasuk noh hadien ka jingiakynad kaba la jia dang shen ha shnong Lapangap ha kaba uwei u briew u Oriwel Tiangge, West Karbilong shnong Tahpat Karbilong ula duh noh ia ka jingim. Haba kren ha ki lad pathai khubor hadien ba la wai ka jingialang, u Deputy Commissioner ka West Karbi Anglong u S.P. Sarma ula kyntu ia ki nongshong shnong ha khappud na baroh ar ki jylla ban ia treilang ba wanrah ia shongsuk shongsain, bad ki dei ban buh sharud ia ka sain pyrthei na ka bynta ka jingmyntoi bad ka shong suk shongsain hapdeng .

“Kam dei ban don ka politik ha kane ka kam namar ngi donkam ban im suk im sain hangne kumba ju long mynshwa”, la ong u Sarma bad u ban jur ba baroh arliang ki la mynjur ban pynneh ia ka suk ka sain bad ban ailad ia ki nongrep ban leit kba khlem jingpynwit. Ia kane ka jingialang la pyniaid da u DC West Karbi Anglong u S.P. Sarma bad u Border Magistrate ka West Jaintia Hills u G.H. Passah ha ka jingdonlang u Superintendent jong ki pulit ka West Karbi Anglong u R. Barua bad u Additional SP ka West Karbi Anglong. la donlang u Rangbah shnong ka Lapangap u bah D. Lyngdoh, u Advocate Erwin K. Syiem Sutnga, u bah A. Lipon u President ka Synjuk Ki Waheh Shnong Ri Jaintia u rangbah shnong Tapad, u Augustine Hanse President ka Socheng Amreng Border Development Committee.

Ha ka jingialang la donlang ki ophisar na baroh ar liang ki West Karbi Anglong bad West Jaiñtia Hills kynthup ïa ki majistor khappud bad ki nongmihkhmat jong ka komiti jingiakren iasuk, ki la poi sha ka jingïamynjur lang ban ailad noh ban ot kba ha baroh ar tylli ki thaiñ Tahpat bad Lapangap namar ka aiom ka dei ban lum ban ot kba.”U jingthung um lah ban ap sa saw ne san sngi. Baroh arngut ki rangbah shnong ka Tahpat bad Lapangap ki la mynjur ba kan ym don kano kano ka jingeh ha ka ain ha kum kane ka por ot”, la pynpaw u DC.U Sarma ula bynrap ki bor District West Jaiñtia Hills ki la pynthikna ïa ka jingïatreilang bad pynngat ha ka aiñ ïa kito kiba donkti halor ka jingpynïap ïa u Oriwel Timung ha ka 9 tarik u Lber.“Ïa kiba donkti yn pynshitom katkum ka aiñ hadien ka jingtohkit bad yn pyngat hapoh ki kyndon ka IPC bad ka BNSS,” ula bynrap.