U Bah John F. Kharshiing, Co-Chairman, Meghalaya State Planning Board, Sorkar Meghalaya, Secretary General ka North East Sports Association bad Working President ka Meghalaya State Olympic Association, hynne ka sngi, ula ïakynduh ïa u Myntri ka sorkar pdeng uba khmih ia ka DONER u Jyotiraditya Scindia, ha Nongbah Delhi ban ïakren halor ki sienjam ba kongsan ban pynkhlaiñ ïa ka jingïaid shaphrang ki jingïalehkai bad ka jingïashim bynta ki samla ka thaiñ Shatei Lammihngi.U Bah Kharshiing ula pynpaw ïa ka jingdonkam ban don ka jingkyrshan kaba neh ha ka rukom treikam (institutional) bad ka pisa (financial) na bynta ki Nongialehkai (Athletes) bad ha ki jingïalehkai ha ka thaiñ, bad u la pynsngew ruh ïa ka jingtyrwa na ka NESA bad ka jingmynjur jong ka Arunachal Olympic Association ban pynlong ïa ka 4th North East Games 2026 ha Arunachal Pradesh, ha kaba la khmih lynti ba palat 3,500 ngut ki nongïalehkai bad 500 ngut ki official kin ïashimbynta na baroh 8 tylli ki jylla Shatei Lammihngi.
Ula ban jur ïa ka jingdonkam kyrkieh ban thaw ïa ki jaka ïalehkai ba lah ban pyndonkam ha baroh ka por (all-weather), kata ki PEB Indoor Multi-Sports Halls (70m x 50m x 8.5m) ha ki wat ki bapher bapher, ha ki Community & Rural Development Blocks ha baroh 8 tylli ki jylla ka thain Shatei Lammihngi. Kata ha Arunachal Pradesh (129), Assam (239), Manipur (70), Meghalaya (55), Mizoram (28), Nagaland (74), Sikkim (33) bad Tripura (58).Kane ka jingtei ka thmu ban pyndap ïa ka jingduna ha ka jingïoh lad ki jaka ïalehkai kiba tynrai, khamtam ha ki jaka nongkyndong bad kiba jngai, bad ban thaw ïa ki jaka hikai bad ban plie lad ban ïashim bynta paidbah na bynta ki samla ha baroh shilynter u snem. Ha ka jingïakren ula pynapw ruh ia ka jingdonkam ban thaw ïa ka Corporate Social Responsibility, CSR/Seed Fund kaba kyrpang ban kyrshan ïa ki nongïalehkai bad ki State Sports Association ha ka thaiñ. Kane ka fund kan ïarap ban pyndap ïa ki jingduna ha ka jinghikai bad jingïashim bynta—khamtam ha ka jinglut jingsep haba leit iashimbynta ha ki jingiakob kiba heh ha ka Ri India jingïada bad khamtam na bynta ka jingpynkhreh ia ka 39th National Games Meghalaya bad kiwei pat ki jingïalehkai ha ka ri.
Ula iathuh ba u Scindia ula ïaroh ïa kine ki sienjam bad ula pynthikna ba ia kine ki jingtyrwa yn sa khmih bniah bad yn phah sha ki Sorkar Jylla bapher bapher.U Bah Kharshiing ula ong, ba kane ka jingïalang ka pyni ïa ka jingïaid shaphrang ban pynkhlaiñ ïa ka jingïatreilang hapdeng ki kynhun ïalehkai ha ka thaiñ bad ka Sorkar India na bynta ban tei ïa ka rukom ïalehkai kaba skhem bad kaba kynthup lang ïa baroh ha ka thaiñ Shatei Lammihngi. Ha kane kajuh ka sngi u Bah Kharshiing ula leit ruh ban iakynduh ia u Raghuram Iyer, Chief Executive Officer (CEO) Indian Olympic Association, ban buddien ia ka rai na ka IOA halor ka thup jingialehkai na ka Indian Olympic association na ka bynta ka 39th National Games 2027 kaban long ha Meghalaya.
You may also like
-
Ka kynhun tohkit kam pat lap ba don ka jingleh politik halor ka jingiakynnad ha Garo Hills
-
Ka jingiakynad ha Garo Hills ka mih namar bym lah ban pynbeit ia ka jingdawa ban khanglad ia ki bar jylla ban iashim bynta ha ka ilekshon GHADC
-
Ka Iew ki Nongrep kan khring ia ki nongthied bad ki nongshang pyrthei
-
Kiba tih khyndew ki dei ban don ka jaka bret, mana ka DC ban bret khyndew pathar
-
Byrngem khang ka KSU ia ki ophis, skul lada pynbor ban rwai ‘Vande Mataram’