U bah John F. Kharshiing, Co-Chairman, Meghalaya State Planning Board, Sorkar Meghalaya u la iakynduh ia ka Diana Mickevičienė, kaba dei ka Ambassador ka Lithuania sha India ha ka 25 tarik u Rymphang ha New Delhi.Katkum u bah John u la iathuh ba u la ioh ban pynlong jingialang bad kane ka nongkittien syiem ka Lithuania sha India.
Ha kane ka jingïalang ki la jingïakren halor ka jingïatreilang ha ka liang ka kolshor, bad jingïasam pateng ïa ka riti dustur bad ka kolshor, ka sports kumjuh ruh ban wad lad ïa ki jingïatreilang ha kiba kiba bun kiba lah ban pynkhlaiñ ïa ka jingïadei hapdeng ka ri Lithuania bad ka Jylla Meghalaya.Ha ki jingïakren ki la pynpaw ïa ka jingdonkam ban pynkhlaiñ ïa ka jingïadei paidbah lyngba ki prokram kolshor, sports bad ki jingïatreilang.
U Co-Chairman u la wer sngewbha ia ka Ambassador badon burom ka Lithuania ban thaw lad ban wan jngoh ia ka jylla Meghalaya. Kane ka jingïalang ka la ai lad ban sngewthuh ïa ki jinglong jingïadei kiba ïasyriem ha ka kolshor bad ban ïakren shaphang ki lad jingïatreilang ha ka lawei kiba lah ban pynkhlaiñ ïa ka jingïadei hapdeng ki jylla Meghalaya bad ki ri Lithuania, ong na ka Office Co-Chairman Meghalaya State Planning Board (MSPB), sorkar Meghalaya.
You may also like
-
Shong bos lang u CM, Speaker, LoP, Myntri bad ki MLA
-
Pynkut noh ka Jowai Co-Operative Urban Bank ia ka lehkmen dap 50 snem
-
Naba shoh khawiang rat ka kali Dutsun ïa ar tylli ki ïing ha Quinine
-
Pyndep ka Sorkar ban thied jaka pynheh Shillong Airport
-
Pyrshah u Bah Sniawbhalang bad Wailadmiki ïa Bah Ardent ba pyndonkam tang Khasi ha ka jingïatai Bhah kam