U MLA ka BJP na South Shillong u Bah Sanbor Shullai hynne ka sngi, u la leit iakynduh ia u Myntri Khynnah ka sorkar pdeng uba khmih ia ka tnad DoNER u Dr Sukanta Mazumdar ha kaba ula kyrpad ban ai ia ka ‘Direct Funding’ ia ki District Council kiba don ha ka jylla Meghalaya. U Bah Sanbor ula iathuh ba ula kyrpad ia u Myntri Sorkar ban ai ia ki song jingiarap pisa ka ban leit beit sha ki District Council khnang ba kin lah ban pyniaid ia ki kam ki jam ki jong ki.
Ula ong ba ula iakren ruh halor ki projek bapher bapher kiba dang sah teng ha ka jylla bad ula kyrpad ruh ia ka Sorkar Pdeng ba kan pyllait noh ia ka Scholarship ha ka por ba biang khnang ba kan ym ktah ia ki samla pule ka jylla.
U Bah Sanbor ula iathuh ba u Dr Sukanta Mazumdar yn sa wan sha jylla Meghalaya hadien ba la kut ka elekshon MDC bad yn sa iakynduh ruh ia ki nongialam jong ki District Council ban iakren halor ki jingeh bad ki jingdonkam jong ki District Council.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla