U MLA barim ka Mylliem Constituency u Bah Hamletson Dohling uba long u Nongaibuit jong u Myntri Rangbah ka jylla, ha ka sngi Saitjain ula plie ia ka jingrakhe ia ka Platinum Jubilee jong ka Lawsohtun Presbyterian Secondary School.
Kum ka dak jong ka jingplie pyrda ia kane ka jingrakhe u Bah Hamletson ula pynher ia ka lama jubili ha ka jingdonlang ryngkat u MDC ka Laban Mawprem Constituency u Bah Ricky Shullai, u Rev TH Mukhim, ki Tymmen Basan ka Balang, ka Headmistress, ki Nonghikai bad ki khynnah skul.
U Bah Hamlet ula ai khublei ia ka Lawsohtun Presbyterian Secondary School kaba la lah ban bteng ban ai ka jingshakri bad ban pynnang pynstad ia ki khynnah ha ki 75 snem ki jingiaid lynti ka jong ka bad ula kitbok kane ka skul kan dang iai bteng ban ai ka jingshakri ia ki khynnah ha ki snem ban dang wan.
U la iaroh ia ki jingiohi jngai ki nongseng ia kane ka skul kaba ki la seng ha ki 75 snem mynshwa bad ia ki bor ba dei peit haduh mynta ryngkat bad ki nonghikai kiba la shim ia ka jingkitkhlieh ban kyntiew ia ka pule puthi bad ban sei ia ki khynnah kiba stad bad shemphang kiba la noh synniang sha ka imlang sahlang bad ia ka jylla baroh kawei.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma
-
Khuslai ki paidbah ka thain Byrnihat ba duna tyndong lyer, kyntu ia ka sorkar ban pynbiang