Mawkyrwat, Rymphang : Ki nongialam bad ki nongkyrshan jong u MLA barim ka Ranikor Constituency, u Martin M. Danggo mynta ka sngi ki la pyniasoh ialade sha ka NPP ha iingsah jong u Myntri Rangbah ka Jylla bad National President ka NPP, u Conrad K. Sangma ha Shillong.
Haba iakren ha ki lad pathai khubor mynta ka sngi ha Mawkyrwat, u nongialam ka NPP bad u kyrtong MDC ka NPP na Langrin Constituency, u bah Mandilost Nongbri u la kam ba hashwa ban leit sha iing jong u Conrad, baroh ki nongialam bad ki nongkyrshan jong u Danggo ki la ia lum lang ha iing jong u ha Shillong, bad da kawei ka jingmut ki la rai ban pyniasoh noh ia lade sha ka seng NPP.
U bah Nongbri u la kam ruh ba la jan baroh ki nongialam jong u Danggo khamtam na ki thain khappud jong ki thain Ranikor ki la pyniasoh sha ka NPP. U la kam ruh ba u Danggo hi un kyrshan ia u ha kane ka elekshon MDC ban wan. Kumta u la pynpaw ka jingsngewskhem ba ha kane ka kynti kaba mynta, ka NPP kan jop beit ha kane ka elekshon MDC ban wan na Langrin konstitwensi.
Lah ban kdew ba dang shen ha ka por ba thep kyrteng na ka bynta ka ilekshon MDC, u Danggo u la synran lang ia u kyrtong ka Congress na Langrin Constituency, u bah Pherdonnam Rngaid bad u la pynbna ialade ba ma u bad baroh ki nongkyrshan jong u kin kyrshan ia ka Congress ha kane ka ilekshon MDC.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party